gumagawa ako ng assignment sa chem ngayon. malapit sa bintana, ilang maliliit na tinig ang sumagi sa aking tainga. mga batang naglalaro sa may bakuran ng katabi naming bahay. nagro-role playing sila:
vina (kunyari): lumayas ka bendita! hindi ka na namin mahal nina wowa at ng daddy mo!
agua (kunyari): wow! talaga mama? hindi na natin mahal si bendita? yehey!
**si agua na pala ang bully ngayon. XD
naputol ang eksena-kuno at maya-maya'y nag-away na sila kung sino dapat ang gumanap na agua:
bata1: ako, ako si agua!
bata2: hindi, ako si agua! ang kapal ng mukha!
bata1 at bata2: *sandaling sigawan, hindi ko na maintindihan yung mga sinabi nila*
ilang sandali pa'y narinig ko ang mabilis nilang pagtakbo palayo sa kung saan ay maigi ko silang nadidinig. ang isa'y humiyaw na parang isang ibon. tumakbo sila sa kalawakan ng manggahan, habang hindi pansin ang pagyakap sa kanila ng hangin na siya ring nagpapasayaw sa mga puno ng mangga. tumingla ako sa may bintana, umiihip ang hanging tila nalalaman na siya'y aking pinapansin. sumabay pa ang awit ng nagbubungguang dahon ng mga puno. sa di kalayua'y may tumilaok na manok, dumagdag pa sa ingay ang pagdaan ng isang traysikel na humaharurot. noon ko lamang napansin na naglaho na rin ang tinig ng yaong mga bata kanina. at ngayon ko lang din naalala na may gawain pa akong dapat tapusin at ipasa.#
No comments:
Post a Comment